Loading...
You are here:  Home  >  Tigrigna  >  Current Article

ኣርባዕተ ኣባላት ስለያን ክልተ ኣባላት ርክብን ተኣሲሮም

By   /  May 3, 2016  /  Comments Off on ኣርባዕተ ኣባላት ስለያን ክልተ ኣባላት ርክብን ተኣሲሮም

    Print       Email

ቅድሚ 4 ዓመታት ብትእዛዝ ጠቐላሊ ሓለቃ ስታፍ ምክልኻል ጀነራል ፊሊጶስ ወልደየዉሃንስ ደስኪሎም ኣብ ገዛኦም ኮፍ ኪብሉ ዝተነግሮም 4 ሞኮንናት ብ 23 ሚያዝያ ናብ ቤት ማእሰርቲ ኪዳጎኑ ከምእተገብረ ምንጭታትና ካብ ውሽጢ ሃገር ሓቢሮም።

ብመሰረት ሓበሬታ እቶም ምንጭታት ፥ ሜጀር ኪዳነ (ወዲ ፈንጂ) ፣ምክልተ ኮብራል መዓሾ ሓድጉ፣ ኣብ ምኽዛን ሰነዳት ኣሃዱ ስለያ 05 እትሰርሕ ዝነበረት ሜጀር ምሕረት ኣስፋሃለ፣ ከምኡ’ውን ኣባል ስለያ እዚ ምዕራብ ሌ/ኮሎኔል ሰመረ ኪዳነ (ወዲ-ኪዳነ) ናብ ግዳም ምስጢራት ተውጽኡ ትህልዉ ትኾኑ ኢዂም ብዝብል ጥረጠራ ብትእዛዝ ጀነራል ፊሊጶስ ኣብ ገዛኦም ኮፍ ኪብሉ ዝተሓበሮም ኮይኖም ፥ ሕጂ ድሕሪ 4 ዓመታት ንዓዂም ዝምልከት ኣኼባ ኣሎ ተባሂሎም ናብ ቤት ገርግሽ ድሕሪ ምጽዋዖም ሻቡ ኣብ ቀይዲ ከምዝኣተዉ ክፍለጥ ተኻኢሉ ኣሎ።

እቶም 4 መኮንናት ካብ ስራሖም ምስ ተኣሊዩ ሲቪላዊ ሂወቶም ከካይዱ ዝጸንሑ ኮይኖም ፥ ጠንቂ መደስከሊኦም ከይተነግሮምን ኣብ ልዕሊኦም ዝተጻዕነ ጠቐነ መርትዖ ከይተረኽበሉን እዮም ድሕሪ 4 ዓመታት ዝእሰሩ ዘለዉ።

ኣብ ክፍሊ ርክባት ክሰርሑ ዝጸንሑ ጀበል ሓምድን ምክትል ተለንተ የውሃንስ ተወልደብርሃንን ዝተባህሉ እዉን ምስቶም 4 መኮንናት ኣብ ተመሳሳሊ ዕለት ከምእተቐየዱ ክፍለጥ ተኻኢሉ ኣሎ።

ሚኒስትሪ ምክልኻል ካብ ፕረዚደንት ኢሳያስ ተረኪብዎ ብዘሎ ሓድሽ መምርሒ ስራሕ መሰረት ፥ ምስ ኢትዮጵያን ሱዳንን ዘዳውቡ ከባቢታት ኣብ ትሕቲ ጽኑዕ ወተሃደራዊ ኮለላን ተፍትሽን ከእቱ ፥ ስግኣት ክፈጥሩ ይኽእሉ እዮምን ተነቀፍቲ ሓበሬታታት ንግዳም ከውጽኡ ቅሩብነት ኣለዎምን ዝበሃሉ ላዕለዎትን ታሕተዎትን ወተሃደራዉያን ሓለፍቲ ክቅይድ፥ ኣብ ዝሰፍሐ ከባቢታት ሃገር ኣለመምቲ ግፋታት ከካይድ ፡ ከምኡ’ውን ሃብታማት ነጋዶ ብምእሳር ንብረትን ገንዘብን ክዘምት ይረአ ምህላዉ እዩ ዝግልጽ።

    Print       Email

You might also like...

ኢዮብ መድሃኔ ዝተባህለ ኣብ ቤት ማእሰርቲ ስርዋ ንልዕሊ 10 ዓመት ተኣሲሩ ዝጸንሐ ኮንትራክተር; ካብ ማእሰርቲ ምስ ሓለውቱ ኣምሊጡ።

Read More →